عسى ربي يبارك فيك ياللـي تكـرم الضيفـان=ولد شيخٍ مجرّب يعطـي الجـزلات مـن يـدّه
تسطر له حروف من الذهب واللول والمرجـان=بنى مجدٍ رفيـعٍ لـو يهـبّ الريـح مـا هـدّه
رحل ناصر عن الدنيا وذكـره للفخـر عنـوان=مع أهل الطيب والمعروف عود(ن) فايـحٍ نـدّه
عيال العود وافين الخصايل مـا بهـم نقصـان=زحازيـح الرجـال تقـوم بالماجـوب وتسـدّه
يابو فيصل لـك التبجيـل والتقديـر والعرفـان=وشعري كان مـا اعـد بمثلـك يحـرم أعـدّه
أعرفك من قبل عشرين عام من افضل الصدقان=ومنصـا للنشامـا بالرخـا وان كـان بالشـدّه
صديقٍ ما يغيّره الزمـن والوقـت مهمـا كـان=رجل وافي مع أصحاب الوفا لو طالـت المـدّه
أعبر عن مشاعـر خاطـري وانظـم القيفـان=ومهما قلت فـي فيحـان مانـي لاحـقٍ حـدّه
انا لمحمد أبارك .. وانا اللي بالحضـور مـدان=حضوري في وجوبك يعتبـر واجـب ولا بـدّه
وجيناكم على حسب الوعد واللي حضر ماهـان=على الواجب ترى مايقـدم الا واحـد(ن) قـدّه
وكلٍ يعـرف الهيـلا رياجيـلٍ طـوال أيمـان=مع الطيّـب تزيـد بطيبهـا والعايـل اتضـدّه
نزلتوا بالفقار وفعلكـم واضـح ولـه برهـان=على راس القنا ماهي علـى هجمـات مرتـدّه
وحنّا وانتم اخوة من سلالة قيس بـن عيـلان=ما ضيعنا أصلنا ياللـي تجيـب العلـم وتـردّه
واقول ونعم بالعتبـان واللـي شـرّف العتبـان=ونعـمٍ بالقبايـل كلهـا كــلٍ عـلـى بــدّه
لكن اليوم ننعم فـي حكـم عبـدالله وسلطـان=عيال اللي زرع فينا الولـى والألـف والـودّه
وطنّا أفضل وطن والدين سمح من افضل الأديان=ولا يثّـر علينـا المـوج لا جـزره ولا مـدّه
أهنّيكـم وانـا رجـال أمثـل ربعـي السلمـان=نيابة عن سليم من الرياض الـى بحـر جـدّه
ونختمها بذكر المطفـى محمـد نسـل عدنـان=ومرّه الرب سبحانـه ولا عـن سنتـه صـدّه